Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
ՔՆՆԱՐԿՎԵՑԻՆ ՋՐԱՀԵՌԱՑՄԱՆ ԵՎ ՋՐԱՄԱՏԱԿԱՐԱՐՄԱՆ ԽՆԴԻՐՆԵՐ
06.03.2013
Գեղարքունիքի մարզի Վարդենիս, Մարտունի եւ Գավառ քաղաքներում այս տարվա հունվար ամսից արդեն շահագործվում են կոյուղու կեղտաջրերի մաքրման կայանները, որտեղ բացվել է 17 հիմնական աշխատատեղ: համակարգը սպասարկում է ,, Հայջրմուղկոյուղի,, ՓԲԸ-ն: Այստեղ տեղադրված են գերմանական ժամանակակից սարքավորումներ, որոնց շնորհիվ կեղտաջրերը մեխանիկական զտման են ենթարկվում մի քանի փուլերով: Կայաններում ստեղծված են պայմաններ ՝ մաքրելու, զտելու կոշտ նյութերը, առանձնացնելու տիղմը և յուղային մասը: Իսկ նրանց կից լաբորատորիաներում հնարավոր է լինում հաճախակի կատարել կեղտաջրերի հետազոտություն, շրջակա միջավայրը զերծ պահելու հնարավոր վտանգներից: ՀՀ փոխվարչապետ, տարածքային կառավարման նախարար Արմեն Գեւորգյանը բավարար ու արդյունավետ գնահատեց այս քաղաքների կոյուղացման եւ մաքրման կայանների գործարկման ծրագրի առաջին փուլը, որի շնորհիվ կրճատվում է լիճ տարվա մեջ 70-100 տոննա տիղմի և թափոնների հոսքը: Փոխվարչապետը հավաստեց, որ այս ծրագիրը պետք է ունենա նաև շարունակություն և երկրորդ փուլ, որով Սևանա լիճ թափվող կեղտաջրերը կենթարկվեն նաև կենսաբանական մաքրման: Մաքրման կայանների շինարարարական աշխատանքները մեկնարկել են 2008 թվականից՝ եվրոպական բանկի ֆինանսական աջակցությամբ: Յուրաքանչյուր կայանի կառուցման համար ծախսվել է մոտ 4 մլն եվրո: Այս ծրագրի շրջանակներում Սևան, Գավառ, Մարտունի և Վարդենիս քաղաքներում կառուցվել կամ նորացվել է 52 կիլոմետր երկարության կոյուղագիծ, որն ամբողջությամբ միացվել է մեխանիկական եղանակով աշխատող մաքրման կայաններին: Գավառ քաղաքի մաքրման կայանի հզորությունը օրական կազմում է 19 հազար, իսկ Մարտունի և Վարդենիս քաղաքների մաքրման կայանների օրական հզորությունը՝ մինչև 9500 խմ կեղտաջուր: Աշխատանքային խորհրդակցության ժամանակ քննարկվեցին նաեւ մարզի համայնքների ջրամատակարարման եւ ջրահեռացման հետ կապված հարցեր:
