Տպել
Նորություններ
ՊԱՐԶԱԲԱՆՈՒՄ
28.02.2013
,, Աշխատանքային հերթական խորհրդակցության ընթացքում,, վերտառությամբ ՀՀ Գեղարքունիքի մարզպետարանի պաշտոնական կայքէջի փետրվարի 25-ին տեղադրված հրապարակման կապակցությամբ հարկ ենք համարում տալ հետևյալ պարզաբանումը:
Յուրաքանչյուր երկուշաբթի մարզպետի կողմից անցկացվում է աշխատանքային խորհրդակցություն: Փետրվարի 25-ին կայացած հերթական խորհրդակցության ընթացքում վերլուծվել են մարզպետարանի աշխատակազմի ստորաբաժանումների կողմից իրականացվող ընթացիկ գործառույթները, նշվել անելիքները, տեղ գտած թերությունները, առանձին հարցերի վերաբերյալ տրվել են հանձնարարականներ և առաջադրվել խնդիրներ: Խորհրդակցության ընթացքում անդրադարձ է կատարվել նաև նախագահական ընտրություններին: Գեղարքունիքի մարզպետը իր գոհունակությունն է հայտնել բոլոր նրանց, ովքեր կոչված էին օրենքով սահմանված կարգով ապահովելու ընտրությունների նախապատրաստման և անցկացման գործընթացը, որի շնորհիվ այն մարզում անցել է առանց էական խախտումների և միջադեպերի:
Սակայն մարզպետարանի աշխատակազմի տեղեկատվության և հասարակայնության հետ կապերի բաժնի կողմից սխալ է ներկայացվել Գեղարքունիքի մարզպետ Ռաֆիկ Գրիգորյանի կողմից անցկացրած խորհրդակցության բովանդակությունը, որի համար էլ ստորաբաժանման աշխատակիցը ենթարկվել է կարգապահական տույժի՝ (խիստ նկատողություն):
Գեղարքունիքի մարզպետարանի աշխատակազմը տեղի ունեցածի վերաբերյալ հայցում է ընթերցողի ներողամտությունը:
Գեղարքունիքի մարզպետարանի աշխատակազմ