Գեղարքունիքի մարզպետի աշխատակազմ

Նոյեմբերի 13-ին Գեղարքունիքի մարզպետ Ռաֆիկ Գրիգորյանն ընդունեց ՙՙ Հայ Ասպետ,, հեռուստամրցաշարի ,, Ասպարեզ,, փուլում առաջին տեղը գրաված Աստղիկ Ավետիսյանին, ով ներկայացնում է Գավառի Մնացական Բունիաթյանի անվան թիվ 8 միջնակարգ դպրոցը: Աստղիկ Ավետիսյանը սովորում է 12-րդ դասարանում: ՙՙ Հայ Ասպետ,, հեռուստախաղում ունենալով հաջողություններ, Աստղիկը 2012 թվականի սեպտեմբերի 30-ին հաղթող է ճանաչվել նաև  հեռուստամրցաշարի նախավերջին փուլում  և նախապատրաստվում է նոյեմբերի 24-ին իր գիտելիքներով մասնակցել   մրցաշարի ,,Նախագահական Ասպարեզին,,:  Ձեռք բերած հաջողությունների համար Աստղիկ Ավետիսյանն արժանացավ  Գեղարքունիքի  մարզպետի շնորհակալագրին և խրախուսվեց դրամով: Ռաֆիկ Գրիգորյանը իր խոսքում շնորհակալություն հայտնեց նաև Աստղիկի ուսուցիչներին, որոնց ջանադիր աշխատանքը տվել է ցանկալի արդյունք: Հրաժեշտից առաջ Աստղիկը մարզպետին  խոստացավ եզրափակիչ փուլում ևս ապահովել հաղթանակ, բարձր պահելով մարզի և իր հարազատ դպրոցի պատիվը: