Նորություններ
ՏԻՄ ԸՆՏՐՈՒԹՅՈՒՆՆԵՐ ԳԵՂԱՐՔՈՒՆԻՔԻ ՄԱՐԶՈՒՄ
24.09.2012
Սեպտեմբերի 23-ին Գեղարքունիքի մարզի 37 համայնքներում տեղի ունեցան
համայնքի ղեկավարի և ավագանու ընտրություններ, միայն համայնքի ղեկավարի ընտրություններ կայացան 15 և միայն ավագանու ընտրություններ 11 համայնքներում: Նշված 63 համայնքներում գրանցված 169 018 ընտրողներից մարզի 3 ընտրատարածքներում քվեարկությանը մասնակցել է 88 709 քաղաքացի: Համայնքի ղեկավարի փոփոխություն է տեղի ունեցել Սևան, Ծովագյուղ, Մեծ Մասրիկ, Թթուջուր, Լուսակունք, Լճավան, Անտառամեջ և գյուղ Մարտունի համայնքներում, որից Սևան, Ծովագյուղ, Լճավան, Անտառամեջ և գյուղ Մարտունի համայնքներում գործող համայնքների ղեկավարները իրենց թեկնածությունները չեն առաջադրել, իսկ Մեծ Մասրիկ, Լուսակունք և Թթուջուր համայնքներում ղեկավարները պարտվել են իրենց մրցակիցներին:
Մարզի 5 քաղաքներից 4-ում վերընտրվել են Մարտունու քաղաքապետ ՀՀԿ-ական Բագրատ Հարությունյանը, , Վարդենիսի քաղաքապետ ՀՀԿ-ական Վոլոդյա Խլոյանը , Ճամբարակի քաղաքապետ ՀՀԿ-ական Յուրա Ավալյանը, Գավառ քաղաքապետ, անկուսակցական Գուրգեն Մարտիրոսյանը: Իսկ Սևան քաղաքում ընտրվել է ՀՀԿ անդամ Գեղարքունիքի նախկին մարզպետ Ռուդիկ Ղուկասյանը:
Նախնական տվյալներով ընտրությունները մարզի համայնքներում անցել են առանց խախտումների և լուրջ միջադեպերի: Ընտրված համայնքների ղեկավարների մեծ մասը ներկայացնում են Հայաստանի Հանրապետական Կուսակցությունը: