Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՍՓՅՈՒՌՔԻ ՊԱՐԱՅԻՆ ՀԱՄՈՒՅԹՆԵՐԸ ԳԵՂԱՐՔՈՒՆԻՔԻ ՄԱՐԶՈՒՄ ԷԻՆ
10.07.2012
<<Իմ Հայաստան>> համահայկական մրցույթ-փառատոնի ծրագրի <<Պարարվեստի օրեր>> միջոցառման շրջանակներում հուլիսի 4-ին Գեղարքունիքի մարզի Սևան և Մարտունի քաղաքներում անցկացվեցին համերգներ՝ Սփյուռքից ժամանած պարային համույթների մասնակցությամբ:Մինչ համերգային ծրագիրը համույթները եղան Սևանա կղզում: Սևան քաղաքում կազմակերպված համերգին մասնակցեցին Վրաստանից,Իրանից, Ռուսաստանից, իսկ Մարտունի քաղաքում՝ Վրաստանից, Ռուսաստանից և Բելառուսից ժամանած պարային համույթները: Համերգները անցան ուրախ տրամադրությամբ: Այն ևս մի առիթ էր Հայաստան-Սփյուռք բարեկամական կապի ամրապնդման: Պարային համույթների ոգևորությունը մեծ էր, հայրենիքում հանդես գալու և ներկայացնելու իրենց պարարվեստը հայ հանդիսատեսին՝պատասխանատու: Գոհ էին և հանդիսատեսը և միջոցառման կազմակերպիչները: Համերգները բարձր մակարդակով կազմակերպելու համար բոլոր համույթներին տրվեցին մարզպետի շնորհակալագրեր:
