Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
ԳԵՂԱՐՔՈՒՆԻՔԻ ՄԱՐԶՊԵՏՆ ԸՆԴՈՒՆԵՑ ՄԱՐԶԻ ՄԵԴԱԼԱԿԻՐՆԵՐԻՆ
09.07.2012
Գեղարքունիքի մարզպետ Ռաֆիկ Գրիգորյանն այսօր ընդունեց և գերազանցության ատեստատներ հանձնեց Գեղարքունիքի մարզի գերազանցության մեդալակիրներին: Վերջիններս ներկայացնում էին Գանձակի թիվ 1 միջնակարգ դպրոցը՝ Սիլվարդ Ղազարյան և Ներքին Գետաշենի թիվ 1 միջնակարգ դպրոցը՝ Արմինե Ալեքսանյան: Նշենք, որ մեդալակիրներից երկուսն էլ արդեն ընդունվել են Երևանի բժշկական համալսարանի բուժական գործ բաժինը: Մարզպետը շնորհավորեց նրանց, իրենց նպատակասլացության և ձեռքբերումների համար, հույս հայտնելով, որ մեդալակիրները նույն պատասխանատվությամբ կշարունակեն իրենց ուսումնառությունը նաև բուհում: Ռաֆիկ Գրիգորյանը միաժամանակ շնորհակալություն հայտնեց մեդալակիրների ծնողներին, դպրոցների տնօրեններին և մանկավարժական կոլեկտիվներին նմանատիպ աշակերտներ և երեխաներ կրթելու և դաստիարակելու համար: Հավելենք նաև, որ մեդալակիրները, գերազանցության իրենց մեդալները կստանան օգոստոս ամսին՝ ՀՀ նախագահի կողմից:
