Նորություններ
ԳԵՂԱՐՔՈՒՆԻՔԻ ՄԱՐԶՆ ՈՒՆԵՑԱՎ ՏՈՒՐԻՍՏԱԿԱՆ ԳՐՔՈՒՅԿ
06.06.2012
Հրատարակվել է Գեղարքունիքի մարզի տուրիստական ուղեցույցը, որի տպագրությունը ֆինանսավորվել է Ֆրանսիայի հանրապետության Իզերի դեպարտամենտի գլխավոր խորհրդի եւ France cooperation-ի կողմից, <<Ռոն-Ալեպրի մարզը Հայաստանի համար>> միջհամագործակցության պլատֆորմի անդամ Գրենոբլ, Ռոման, Վիեն քաղաքների մասնակցությամբ: Տուրիստական ուղեցույցը տպագրվել է երեք լեզուներով` հայերեն, ֆրանսերեն եւ անգլերեն, երեք տարբեր բրոշյուրների տեսքով:
Ուղեցույցում տեղ են գտել Գեղարքունիքի մարզի 5 քաղաքները իրենց նկարագրությունները, քաղաքների պատկերավոր քարտեզները:
Գրքույկի այցելություներ բաժնում տեղ են գտել յուրաքանչյուր քաղաքի տեսարժան վայրերը` համապատասխան երթուղային ճանապարհածախսով, լուսանկարներով: Ուղեցույցում կան նաեւ քաղաքային ու գյուղական համայնքների գիշերակացները, հյուրատները, քոտեջները եւ հյուրընկալ ընտանիքները:
Զբոսաշրջիկի համար այստեղ մատչելի ներկայացված են մարզի համայնքների մասին գործնական տեղեկատվություն, բանկերը, փոստային եւ առողջապահական կառույցներն ու հասարակական տրանսպորտը:
Գրքույկում ներառված է նաեւ Գեղարքունիքի մարզից դեպի Սյունիքի մարզ ավտոճանապարհի քարտեզն ու հարակից հանգստյան գոտիները:
Ուղեցույցում հրատարակված է նաեւ Սյունիքի մարզի Գորիս քաղաքի տուրիստական պատկերը` իր զբոսաշրջիկ պատկերով, հանգստյան գոտիներով:
Գրքույկները մարզի տարածաշրջանում կտրվեն քաղաքապետարաններին, համապատասխան տուրիստական կազմակերպություններին, նաեւ Հայաստանի խոշոր տուրիստական ընկերություններին: Համագործակից երկրներն էլ իրենց հերթին տուրիստական ուղեցույցները կտարածեն արտասահմանում` Հայաստանում, մասնավորապես Գեղարքունիքի մարզում տուրիզմը զարգացնելու համար:
Այս պահին նույն կազմակերպության աջակցությամբ ստեղծվում է նաեւ ինտերնետային պորտալ, որում դարձյալ ներառված կլինի Գեղարքունիքի մարզն իր տուրիստական գրավչությամբ: