Տպել
Նորություններ
ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆ
17.04.2012
Այսօր Գեղարքունիքի մարզպետարանում մարզպետ Նվեր Պողոսյանը կատարեց քաղաքաքացիների ընդունելություն: Իրենց դիմումներով մարզպետին դիմեցին 15 քաղաքացի: Սոցիալական խնդիրների կարգավորման նպատակով դրամական օգնություն հատկացվեց 1 քաղաքացու, 1 ազատամարտիկի և 2 զոհված ազատամարտիկի կանանց, բուժման մեկնելու նպատակով դրամական օգնություն ստացան 2 քաղաքացի: 2 քաղաքացիներ ստացան պետական պատվերի շրջանակներում վիրահատվելու և բուժվելու , իսկ 1 քաղաքացի՝ հանգստյան տուն գործուղվելու հնարավորություն: Մարզի ղեկավարը ֆինանսական աջակցություն ցուցաբերեց նաև 1 բռնցքամարտիկի՝ Երևան քաղաքում մարզումների մեկնելու նպատակով: Գանձակ համայնքի նորաստեղծ թաղամասի մի խումբ բնակիչներ մարզպետից աջակցություն խնդրեցին իրենց թաղամասի գազիֆիկացման համար նախատեսված նախահաշվի շուրջ ընկերություն հետ ունեցած խնդրին միջամտություն ցուցաբերելու համար: Այդ նպատակով Նվեր Պողոսյանի անունից միջնորդագիր ներկայացվեց Հայռուսգազարդի տնօրինությանը: Ընդունելության մասնակիցներից 2 քաղաքացու դիմում հաշվառվեց, լրացուցիչ ուսումնասիրություն կատարելու նպատակով, իսկ աշխատանքի տեղավորման է և մայրաքաղաքում բարդ վիրահատության ենթարկվելու խնդրանքով ներկայացված 2 դիմում մերժվեց, լուծման հնարավորություն չունենալու նպատակով: