Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
ՍԵԼԻՄԻ ԼԵՌՆԱՆՑՔԸ ԲԱՑ Է
04.04.2012
Ողջ ձմռան ընթացքում, եթե իհարկե համարենք, որ ձմեռը մնացել է հետևում, արտակարգ իրավիճակի մեջ է գտնվել Մարտունի-Գետափ ավտոճանապարհը Սելիմի լեռնանցքի՝ 18 կմ երկարությամբ հատվածում: Այստեղ գրեթե միշտ պահպանվել է 3-4 մետրանոց ձյան շերտը: Գրեթե չնդմիջվող ձնաբքերի և տեղացող առատ ձյան պատճառով օրերով կամ շաբաթներով փակ էր մնում ճանապարհը: Չնայած ճանապարհաշինարարների գրեթե շուրջօրյա գործադրած ջանքերին ՝ բացված ճանապարհը՝ բքի պատճառով կարճ ժամանակ անց նորից փակվում էր: Վերջին 10 օրերի ընթացքում ճանապարհը բացվել և փակվել է 3 անգամ, ինչի հետևանքով ձնաբքի կապանքներում են մնացել նույնիսկ բեռնատար ավտոմեքենաներ: Ճանապարհի բացման աշխատանքներում ընդգրկված է եղել 5-6 միավոր տեխնիկա, սակայն բնության անսանձ տարերքը պարբերաբար ի չիք էր դարձնում նրանց աշխատանքը: Ի դեպ նշենք, որ արդեն երկրորդ օրն է, ինչ մարզում դադարել են ուժեղ քամիները և նկատվում է ջերմաստիճանի որոշակի բարձրացում: Ճանապարհաշինարարներն էլ հույս են հայտնում, որ հետևում են մնացել դժվար օրերը ու պառավի ուլերը և այսօրվանից սկսած ճանապարհը կլինի բաց և երթևեկելի:
