Գեղարքունիքի մարզպետի աշխատակազմ

 Անցած շաբաթ տեղացած  առատ ձյունը  անանցանելի իրավիճակ էր ստեղծել  Վերին Գետաշեն-Մադինա ավելի քան 6 կմ միջհամայնքային  նշանակության ճանապարհահատվածում:  Իսկ փետրվարի 10-ից  12-ին  գրանցված ուժեղ ձնաբքերի հետևանքով այդ  համայնքների միջև    ամբողջովին  կտրվեց տրանսպորտային և հետիոտնային կապը:  Մադինա համայնքի բնակիչները գոհություն են հայտնում Աստծուն, որ այդ օրերին համայնքում ծնունդների դեպքեր չեն գրանցվել, այլապես   ծննդկանին Մարտունու հիվանդանոց տեղափոխելը միայն ուղղաթիռով  հնարավոր կլիներ, նշում են նրանք: Իսկ   Վ Գետաշենում մնացած միջոցառումներին  մասնակցելու անհնարինությանը մադինայի բնակիչներն ըմբռնումով են մոտենում, առավել ևս, որ ձնաբուքը դադարել է և   ճանապարհներն  արդեն   մաքրվում են:    Ձնաբքերի դադարից հետո, փետրվարի 13-ից  ընթանում  են   Վերին Գետաշեն-Մադինա  ճանապարհի մաքրման աշխատանքները:  Այն իրականացնում է Շանթ-Սեյրան Ընկերությունը: Կուտակված  ձյան շերտի բարձրությունը առանձին հատվածներում հասնում է մինչև 3 մետրի, ինչն էլ   թույլ չի տալիս   մաքրման աշխատանքները արագ կատարել:   Վերին Գետաշեն –Մադինա ճանապարհն  սպասարկող կազմակերպության ղեկավարի հավաստմամբ` փետրվարի 15-ի դրությամբ  ճանապարհը բաց է և  մաքրման աշխատանքն ամբողջովին  ավարտված է:  Մնում է հուսալ, որ  իրավիճակը չի կրկնվի, քանզի Մադինան իր աշխարհագրական դիրքից ելնելով զերծ չի նման խնդիրներից: