Գեղարքունիքի մարզպետի աշխատակազմ

       Թեեւ Գեղարքունիքի մարզում դեռ պահպանվում է խստաշունչ եւ ձնառատ ձմեռը, այդուհանդերձ, համայնքներում գյուղացիական տնտեսությունները այս օրերին արդեն նախապատրաստվում են գարնան գյուղատնտեսական աշխատանքներին:  Գյուղացիական տնտեսություններին աջակցելու նպատակով Գեղարքունիքի մարզպետարանը մարզի համայնքների կողմից ներկայացրած տվյալների հիման վրա   շուկայականից էժան գներով ներկայացրել է 3500 տոննա պարարտանյութի եւ 2700 տոննա դիզվառելիքի ներկրման  հայտ: Այս խիստ անհրաժեշտ ձեռնարկով գարնան գյուղատնտեսական աշխատանքների ընթացքում գյուղացիները հնարավորինս պաշտպանված կլինեն պարատանյութի եւ դիզվառելիքի թանկացումների վտանգից եւ հնարավորություն կունենան գարնանացանի աշխատանքները ժամանակին եւ արդյունավետ ավարտելու համար: Այսօրվա դրությամբ արդեն համայնքներից հավաքվել եւ պայմանագրային պարտավորությունները կատարող ներդրողներին է փոխանցվել 260 միլիոն դրամ պարարտանյութի արժեք՝ ներկայացված 420 միլիոն դրամի փոխարեն եւ 35 միլիոն դրամի դիզվառելիքի արժեք՝ ներկայացված 945 միլիոն դրամի փոխարեն: Համայնքապետարաններում գումարների հավաքագրման աշխատանքները ընթացքի մեջ են:  Մինչեւ գարնան գյուղատնտեսական աշխատանքների սկիզբը մարզում հիմնականում ներկրված կլինեն պարարտանյութի եւ դիզվառելիքի պահանջվող քանակությունները: