Գեղարքունիքի մարզպետի աշխատակազմ

Նոյեմբերի 29-ին Գեղարքունիքի մարզպետ Նվեր Պողոսյանը Ճամբարակի քաղաքապետարանում կազմակերպեց քաղաքացիների ընդունելություն, որին մասնակցեցին  35  բնակիչներ Ճամբարակից  և նրա տարածքի համայնքներից:   Ելնելով նշված տարածաշրջանի բնակչության սոցիալական առավել անապահով վիճակից, դիմումատուները   հիմնականում ակնկալում էին դրամական աջակցություն՝վառելիքի ձեռքբերման և կենցաղային   բնույթի զանազան  խնդիրների լուծման համար:  35 քաղաքացիներից  27-ին համաձայն իրենց ներկայացրած դիմումի տրամադրվեց դրամական օգնություն: Մարզպետը խոստացավ աջակցել 3 քաղաքացու բնակարանների գազիֆիկացման հարցում,  4 քաղաքացու կողմից ներկայացված սոցիալական բնույթի դիմումները կուսումնասիրվեն և կպատասխանվեն օրենքով սահմանված ժամկետում, իսկ 1 քաղաքացու կողմից՝ ավանդների վերադարձման պահանջով ներկայացված դիմումը   մերժվեց: