Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
ՏԱՐՕՐԻՆԱԿ ՈՉԻՆՉ ՉԿԱ
08.10.2011
,,Ժողովուրդ,, օրաթերթը, գործադրելով իր բոլոր միջոցները և ստոր ձգտումները, փորձում է ամեն գնով հանրությանը համոզել, որ Գեղարքունիքի մարզպետ Նվեր Պողոսյանը Թթուջուր համայնքի միջնակարգ դպրոցի պատմության ուսուցչի թափուր տեղում աշխատանքի նշանակելու համար կաշառք է վերցրել մի թեկնածուից: Ոչնչով չհիմնավորելով փաստերը և կառչելով թեկնածուներից մեկի բամբասանքներին՝ թերթն ամեն կերպ փորձում է մրոտել ու վարկաբեկել ինչպես մարզի ղեկավարի անունն, այնպես էլ պետական կառավարման մարմնի հեղինակությունը: ,,Ժողովուրդՙՙ թերթը ոչ միայն չի ուզում հրապարակել մարզպետարանի կողմից հոկտեմբերի 7-ին ներկայացված պարզաբանումը, այլ նաև շարունակում է ,, հայելի ծախել կույրերի թաղումՙՙ և մազը գերան դարձնելու հնարք փնտրել: Թե իրականության հետ որքան աղերս ունի պատմության ուսուցչի թեկնածու Աննա Թորոսյանի պատմածը և ՙՙ ,,Ժողովրդի,, էլեկտրոնային ու տպագիր տարբերակների հրապարակած նյութերը՝ կապված Գեղարքունիքի մարզպետի կողմից 3000 ԱՄՆ դոլար կաշառք վերցնելու հետ՝ կպարզվի դատարանում:
Գեղարքունիքի մարզպետարանի աշխատակազմի տեղեկատվության և հասարակայնության հետ կապերի բաժին
