Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՔԱՂԱՔԱՑԻՆԵՐԻՆ ԸՆԴՈՒՆԵՑ ՀՀ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐԸ
08.09.2011
Սեպտեմբերի 7-ին աշխատանքային այցով Գեղարքունիքի մարզում էր ՀՀ աշխատանքի եւ սոցիալական հարցերի նախարար Արթուր Գրիգորյանը: Այցելության օրակարգում նախատեսված էր քաղաքացիների ընդունելություն: Ավանդների եւ նպաստների, աշխատանքի եւ զբաղվածության, հաշմանդամության, կենսաթոշակի, ընտանիքի եւ երեխաների հարցերով մարզպետարան այցելած քաղաքացիներին առանձին աշխատասենյակներում ընդունեցին նախարարության աշխատակազմի համապատասխան ստորաբաժանումների ղեկավարները: Դիմումների մեջ գերակշիռ մաս էին կազմում նպաստների եւ ավանդների հատուցման,ընտանեկան նպաստի համակարգում չընդգրկվելու, մարզի տարածքում աշխատանքի տեղավորման, սոցիալական բնույթի այլ բովանդակությամբ դիմումները: Գեղարքունիքի մարզի որոշ համայնքների ղեկավարներ դիմեցին «Վարձրատրվող հասարակական աշխատանքներե ծրագրի շարունակականությունը ապահովելու հարցերով:Հրավիրված խորհրդակցության ընթացքում ընդունեց 6 քաղաքացու, ծանոթացավ նրանց կողմից բարձրացված խնդիրներին և խոստացավ հարցերին լուծում տալ գործող օրենսդրության սահմաններում: Խորհրդակցությունը մասնակցում էին նաև նախարարության ենթակայության մարզային և տարածքային կառույցների պատասխանատուներ: Նախարարին ներկայացվող խնդիրների շարքում շեշտը դրվեց «Վարձատրվող հասարակական աշխատանքներե ծրագրի վրա, ինչպես նաեւ քննարկվեց աշխատատեղերի հարցը: Մարզի սոցիալական իրավիճակը ներկայացրեցին սոցիալական ծառայության գրասենյակների պետերը: Նախարարը հետաքրքրվեց նաեւ մարզի գործազրկության խնդիրներով եւ զրույց ունեցավ Գեղարքունիքի մարզի զբաղվածության կենտրոնների ղեկավարների հետ: Վերջում Արթուր Գրիգորյանը այցելեց Գավառի մանկատուն, որտեղ ծանոթացավ մանկատան բնակիչների առօրյային ու ապրելակերպին, շփվեց փոքրիկների հետ:
