Տպել
Նորություններ
ՀՀ ՎԱՐՉԱՊԵՏ ՏԻԳՐԱՆ ՍԱՐԳՍՅԱՆԸ ՄԱՐԶՈՒՄ ԾԱՆՈԹԱՑԱՎ ԲԵՐՔԱՀԱՎԱՔԻ ԸՆԹԱՑՔԻՆ
31.08.2011
![](http://gegharkunik.mtad.am/files/n_pics/326_s.jpg)
Հանրապետությունում ցորենի սերմարտադրությունը զարգացնելու նպատակով ՀՀ կառավարությունը այս տարի մարզին տրամադրեց ՌԴ ներկրված էլիտա տեսակի ցորենի սերմացու, որը բաշխվեց յոթ և ավելի հեկտար ցանքատարածություն ունեցող տնտեսություններին, 1 կգ-ին 2կգ հետ վերադարձնելու պայմանով: Բերքահավաքի արդյունքներն ուսումնասիրելու նպատակով այսօր ՀՀ վարչապետ Տիգրան Սարգսյանն այցելեց մարզ և ծանոթացավ լճանշենցի ֆերմեր Օնիկ Սարգսյանի կողմից ներդրված փորձին: Ֆերմերն աննախադեպ արդյունք է ստանում ռուսաստանից ներկրված ցորենի երեք տեսակ սերմացուներից: 20 հեկտարի վրա ցանվել է 6 տոննա ցերմացու: Նրա հաշվարկով 1 հեկտարի միջին բերքատվությունը հասնում է մինչև 50 ցենտների: Օնիկ Սարգսյանի դաշտավարական ծրագրերը չեն սահմանափակվում ցորենի արտադրությամբ: Նույն տարածքում նա 7 հեկտարի վրա ցանել է կարմիր ճակնդեղ, 5 հեկտարի վրա կարտոֆիլ, 4 հեկտարի վրա կաղամբ և 1,5 հեկտար գազար: Այս կուլտուրաների համար բարձր բերքատվություն ապահովելու նպատակով, ֆերմերն օգտագործել է Հայաստանում արտադրվող ,, Ազոցեովիտ 1,, օրգանական պարարտանյութը, որը ևս ցանկալի արդյունք է ապահովել և ֆերմերն համոզված է, որ իրացման համար շուկա կգտնվի: Տիգրան Սարգսյանը ծանոթացավ նաև այս կուլտուրաների բերքատվությանը,մասնագետների և լճաշենցիների հետ զրուցեց պարարտանյութի արդյունավետության մասին: Լճաշենցիները իրենց երախտագիտությունն հայտնեցին կառավարությանը՝սերմարտադրության զարգացման համար նպաստավոր քայլեր իրականացնելու համար: Ուրախալի է, որ ստացված ցորենը մարզից դուրս չի գալու, հաջորդ տարի այս ցորենի սերմացուից կարող են օգտվել 040 մինչև 3 հեկտար ցանքատարածություն ունեցող տնտեսությունները: