Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Համայնքներ

Համայնքի մասին

Ճամբարակ համայնք /կենտրոն ք.Ճամբարակ/

Մակերես` 377.22կմ2

Բնակչություն` 12411

Ճամբարակ  համայնքում ընդգրկվել են հետևյալ բնակավայրերը՝

 

օ Այգուտ                օ Անտառամեջ                      օ Գետիկ

օ Դպրաբակ      օ Թթուջուր                     Կալավան             օ Ձորավանք

օ Մարտունի           օ Վահան

 

Ճամբարակ  համայնքը կազմավորվել է   ,,Հայաստանի Հանրապետության վարչատարածքային բաժանման մասին,, ՀՀ օրենքում  09.06.2017թ. ՀՕ-93-Ն  կատարված փոփոխության արդյունքում՝  ՀՀ Գեղարքունիքի մարզի Ճամբարակ քաղաքային, Այգուտ, Անտառամեջ,  Գետիկ, Դպրաբակ, Թթուջուր, Կալավան, Ձորավանք, Մարտունի, Վահան  գյուղական համայնքների  և Արծվաշեն բնակավայրի  միավորումից :

Համայնքի կենտրոնը Ճամբարակ  քաղաքն  է ։

<<Տեղական ինքնակառավարման մասին>> ՀՀ օրենքի 84 հոդվածի(Անցումային դրույթներ), 14-րդ մասի համաձայն, համայնքի տեղական ինքնակառավարման մարմինների(Համայնքի ղեկավար և ավագանի) ընտրությունները կայացել են 2017 թվականի նոյեմբերի 5-ին։ 
2017 թվականի նոյեմբերի 13-ից տեղական ինքնակառավարման նոր մարմինների լիազորությունները մտել են ուժի մեջ։

ՀՀ Գեղարքունիքի մարզի Ճամբարակ համայնքը գտնվում է Հայաստանի Հանրապետության հյուսիս-արևելքում, Արեգունի և Միափորի լեռների միջև: Այն գտնվում է ծովի մակարդակից 1200-1850մ բարձրության վրա: Արեւելքից սահմանակից է Ադրբեջանի հանրապետությանը, հարավից՝ Շողակաթ համայնքին, հյուսիսից եւ արեւմուտքից՝ ՀՀ Տավուշի մարզին: Ճամբարակ համայնքը հանրապետական նշանակության ճանապարհներով կապված է մայրաքաղաքի, մարզկենտրոնի, մյուս մարզերի ու համայնքների հետ: Այն գտնվում է մայրաքաղաքից 120 կմ., մարզկենտրոնից` 100 կմ., Երեւան-Սոթք երկաթուղուց՝ 18 կիլոմետր հեռավորությամբ:
Մակերևույթը լեռնային է՝ կտրված Գետիկ գետով և նրա վտակներով: Տարածքում կան քրոմի, գրանիտի, բազալտի հրակայուն կավի հանքավայրեր: Լանդշաֆտը լեռնաանտառային, լեռնատափաստանային և լեռնամարգագետնային է, կլիման` բարեխառն: 
Տնտեսության հիմնական ճյուղերն են` անասնաբուծությունը, անասնապահությունը, հողագործությունը` կարտոֆիլի, բանջարաբոստանային և հացահատիկային կուլտուրաների մշակությունը:
Համայնքում գործում է 1 առողջության կենտրոն,1 բուժամբուլատորիա,7 բուժկետ տասներկու հանրակրթական  դպրոց,  մարզադպրոց, 2   մանկապարտեզ, մանկական երաժշտական և գեղարվեստի դպրոցները, կենտրոնական գրադարանը, մշակույթի տունը: 
Համայնքում գործում են նաեւ հանրապետական գործադիր մարմինների տարածքային ծառայությունները, իրավապահպան կառույցները, մասնավոր ընկերություններ եւ ձեռնարկություններ: 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-11-16 14:19:36