ԳԵՂԱՐՔՈՒՆԻՔԻ ՄԱՐԶՊԵՏԻ ԱՇԽԱՏԱԿԱԶՄ

Գեղարքունիքի մարզպետի աշխատակազմը ձևավորվել է 1996 թվականից` ,,ՀՀ վարչատարածքային բաժանման մասին,, օրենքի համաձայն։ Գեղարքունիքի մարզպետի աշխատակազմը ՀՀ սահմանադրության համաձայն, իրականացնում է պետական կառավարում։

Ոլորտի հարաբերությունները կարգավորվում են ՀՀ Սահմանադրությամբ, ՀՀ օրենքներով, այլ իրավական ակտերով։ Հայաստանի Հանրապետության Գեղարքունիքի մարզում պետական կառավարումն իրականացնում է Գեղարքունիքի մարզպետը` մարզպետի աշխատակազմի միջոցով: Մարզպետի աշխատակազմն իրագործում է կառավարության տարածքային քաղաքականությունը։

 Մարզպետի աշխատակազմի կառուցվածքում ընդգրկված են մարզպետի, մարզպետի տեղակալների, գլխավոր քարտուղարի, մարզպետի խորհրդականների, մարզպետի օգնականների, մարզպետի տեղակալների օգնականների, 7 հիմնական մասնագիտական կառուցվածքային  և 3 աջակցող մասնագիտական կառուցվածքային ստորաբաժանումների պաշտոնները:

 Մարզպետի աշխատակազմի կանոնադրության համաձայն` կանոնակարգվել են մարզպետի տեղակալների, մարզպետի աշխատակազմի գլխավոր քարտուղարի կողմից մարզպետի աշխատակազմի կառուցվածքային և առանձնացված ստորաբաժանումների աշխատանքների համակարգումը։ Աշխատանքները կազմակերպվում են մարզպետի աշխատակազմի  հիմնական մասնագիտական կառուցվածքային  և աջակցող մասնագիտական կառուցվածքային ստորաբաժանումների կանոնադրությունների և տարեկան աշխատանքային ծրագրերին համապատասխան։

Մարզպետի աշխատակազմի հիմնական մասնագիտական կառուցվածքային  և աջակցող մասնագիտական կառուցվածքային ստորաբաժանումների համար սահմանվել է 142 հաստիքային միավոր, որից 113-ը՝ քաղաքացիական ծառայության պաշտոններ։

 

ՈՐՊԵՍ ԳԵՂԱՐՔՈՒՆԻՔԻ ՄԱՐԶՊԵՏ ՊԱՇՏՈՆԱՎԱՐԵԼ ԵՆ՝

1. Վլադիմիր Միհրանի Մովսիսյան 1996-1996թթ.

2. Ռուդիկ Հրաչիկի Ղուկասյան 1996-1999թթ.

3. Վահագն Վլադիմիրի Հակոբյան 1999-2003թթ.

4. Ստեփան Սարիբեկի Բարսեղյան 2003-2006թթ.

5. Արսեն Ռազմիկի Գրիգորյան 2006-2007թթ.

6. Նվեր Ղազարի Պողոսյան 2007-2012թթ.

7. Ռաֆիկ Խորենի Գրիգորյան 2012-2017թթ.

8. Կարեն Հովսեփի Բոթոյան 2017-2018թթ.

9. Իշխան Վաչիկի Սաղաթելյան 01.06.2018- 04.10.2018թթ.

10.Գնել Հենզելի Սանոսյան 10.10.2018-02.08.2021թթ.

11. Կարեն Վահանի Սարգսյան 08․09․2021թ