Գեղարքունիքի մարզպետի աշխատակազմ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶՊԵՏԻ ՈՒՂԵՐՁԸ

Իմ ողջույնն եմ հղում Հայաստանի Հանրապետության Գեղարքունիքի մարզպետի աշխատակազմի պաշտոնական կայք մուտք գործող բոլոր այցելուներին:

ՀՀ Գեղարքունիքի մարզպետի աշխատակազմի պաշտոնական կայքը ծառայում է Գեղարքունիքի մարզում Հայաստանի Հանրապետության տարածքային քաղաքականության իրականացմանը, պետական կառավարման և տեղական ինքնակառավարման մարմինների գործունեության հրապարակայնության և թափանցիկության ապահովմանը:
Հարգելի բարեկամ,Գեղարքունիքի մարզպետի աշխատակազմի պաշտոնական կայքի միջոցով Դուք կարող եք ստանալ Ձեզ հետաքրքրող և կարևոր տեղեկություններ՝ մարզի կենսագործունեության, մարզպետի աշխատակազմի, մարզային ենթակայության հիմնարկ ձեռնարկությունների, տեղական ինքնակառավարման մարմինների գործունեության, համայնքային ենթակառուցվածքների զարգացման, այլ կարեւոր հարցերի վերաբերյալ:
Պաշտոնական կայքի միջոցով մենք նպատակ ունենք Ձեզ տեղեկատվություն տրամադրել նաև մարզի սոցիալ-տնտեսական իրավիճակի, մարզում իրականացվող զարգացման ծրագրերի ու մարզային ձեռքբերումների, հանրային կյանքի ամենատարբեր ոլորտներում տեղի ունեցող իրադարձությունների մասին:

Հուսով եմ, որ Ձեր ակտիվ այցելություններով, առաջարկություններով ու դիտողություններով Դուք կնպաստեք ՀՀ Գեղարքունիքի մարզում և մարզպետի աշխատակազմում մեր աշխատանքների էլ ավելի արդյունավետ կազմակերպմանն ու իրականացմանը:

Հարգանքներով՝ ՀՀ Գեղարքունիքի մարզպետ՝ Կարեն Սարգսյան